ИНДУСТРИСКА ЗОНА ЖАБЕНИ

ПОЧЕТНА

ДЕМАНД

Предмет : Демант на последните јавни напади на Странски инвеститори во Индустриска зона Жабени Битола 

 
Почитувани сограѓани,
Во врска со последните јавни напади, чувствуваме должност одговорно и достоинствено да се обратиме.
Индустриската зона Жабени претставува срцето на битолската и пелагониската економија. Во неа се вработени речиси 6.000 наши сограѓани од регионот, што ја прави најголем работодавач во државата и столб на економската стабилност на Пелагонија. Зад овие бројки стојат семејства, домови и реални животни приказни.
Особено е срамно и неосновано да се напаѓа странски инвеститор од особена важност за регионот, кој со години вложува, отвора работни места и придонесува кон економскиот раст. Ваквите изјави не само што не се во интерес на граѓаните, туку испраќаат лоша порака до сите потенцијални идни инвеститори.
Просечната плата во зоната за 2025 година изнесува 48.344 денари, што е повисока од државниот просек и речиси двојно повисока од минималната плата. Тоа се конкретни показатели дека станува збор за сериозни компании кои обезбедуваат достоинствени услови и сигурна егзистенција.
Во моментов се градат две нови фабрики – процес кој неминовно носи зголемено движење на механизација и привремено валкање на просторот. Тоа е преодна фаза на развој. Истовремено, редовно се врши миење на улиците во понеделник и среда, а надлежните служби континуирано постапуваат со цел одржување на редот и хигиената.
Наместо политизација и создавање негативна клима, потребна ни е зрелост, одговорност и поддршка за инвестициите што носат работни места и економска сигурност.
Индустриската зона Жабени останува симбол на труд, развој и економска сила на Битола и Пелагонија.

Јавен повик за пројавување на интерес за пријавување на кандидати за избор на членови во управен одбор и надзорен одбор за материјално-финансиското работење на ЈП СИЗ „Жабени“ Битола

Преземи повик

Индустриска зона Жабени се наоѓа во јужниот дел од градот Битола, со координати (40.946278 N, 21.435903 E). Жабени се наоѓа на 3 километри оддалеченост од границата со Грција и 9 километри од градот Битола, а од центарот на општината е оддалечена 11.75 км. Индустриската зона се наоѓа веднаш на главниот патен правец М5 и е лоцирана до самата железничка пруга кон Р. Грција. Вкупната површина на индустриската зона Жабени изнесува 834.539,06 м2 со процент на изграденост од 70%. Менаџирана е од општина Битола, а сопственоста е поделена и тоа 50% од земјиштето е купено од страна на приватни инвеститори и 50% е во сопственост на државата. Индустриската зона Жабени располага со електрична енергија, водовод, атмосферска канализација, фекална канализација, телефонија, пристап до градежни парцели преку асфалт или тампонирана површина од инфраструктура. Сите парцели се наменети за продажба, ниедна не се издава под закуп, а почетната цена за купување на парцелите е 61,00 ден/м2 за лесна индустрија и 900,00 ден/м2 за комерцијални објекти.

Менаџирано од: Општина Битола
Оддалеченост од центарот на општината: 11.75 км
Сопственост:

  • 50 % – во сопственост на приватни инвеститори
  • 50 % – државно градежно земјиште достапно за купување

 

ВКУПНА ДОСТАПНА ПОВРШИНА 834,539 m2 +

БРОЈ НА ПЛАЦЕВИ 92

ДОСТАПНИ ЗА КУПУВАЊЕ 9+

МОМЕНТАЛНО ВРАБОТЕНИ ВО ЗОНАТА 6,800 +

 

Расположлива инфраструктура во зоната:

 

ИнфраструктураДостапност
Електрична енергија да
Водовод да
Атмосферска канализација да
Фекална канализација да
Телефонија да
Пристап до градежни парцели преку асфалт/тампонирана површина да
Табела 1:Расположлива инфраструктура во Индустриска зона Жабени

Работници

Оддалеченост од:Километри
Автопат  E – 7595
Автопат Е – 90 (Р. Грција)95
Пристаниште Солун (Р. Грција)200
Пристаниште Драч (Р. Албанија)200
Аеродром Скопје180
Аеродром Охрид85
Аеродром Солун (Р.Грција)200
Граница со Турција550
Прилеп40
Ресен30
Охрид70
Табела 2:Одалеченост од Индустриска зона Жабени

 

Намена на слободни локации за градба: Б2, Б3, Б4  и  Г2, Г3, Г4 и Е1, Е2, Е3

Претпријатија во индустриската зона: 

– Кромберг и Шуберт дооел – германска компанија за производство на автомобилски кабли

– Спринг дооел – домашна компанија за производство на пелети и преработка на дрво.

– Челмак Агрикултурал Машинери – турска компанија за земјоделска механизација.

-Мелиор Фуд дооел – италијанска компанија за преработка на земјоделски производи.

-Цераметал – грчка компанија од металната индустрија.

Закуп/продажба: Продажба

Почетна цена на земјиште во сопственост: 61,00 ден/м2 за лесна индустрија и 900,00 ден/м2 за комерцијални објекти